Scipiwch i'r cynnwys

On The Go - Ar Y Ffordd

on the go

Cludiant cymunedol i bobl anabl a phobl hŷn yn Sir Gaerfyrddin

 

On The Go - Ar Y Ffordd logo

Mae Age Cymru Dyfed, mewn partneriaeth â darparwr trafnidiaeth gymunedol lleol Dolen Teifi, yn falch o ddarparu On The Go – Ar Y Ffordd, sef cynllun trafnidiaeth gymunedol a gynlluniwyd i wella symudedd, annibyniaeth a llesiant pobl sy'n byw ag anabledd ar draws Sir Gaerfyrddin.

Diolch i gyllid gan y Motability Foundation, bydd y cynllun yn cyflwyno 10 cerbyd sy'n hygyrch i gadeiriau olwyn ar draws 10 lleoliad cymunedol erbyn 2026. Bydd y cerbydau hyn yn darparu cludiant diogel a dibynadwy nid yn unig ar gyfer apwyntiadau hanfodol, ond hefyd ar gyfer gweithgareddau cymdeithasol, hamdden a chymunedol – a fydd yn helpu pobl i aros mewn cysylltiad a byw bywydau llawnach.

Beth mae'r gwasanaeth yn ei gynnig

  • cerbydau sy'n hygyrch i gadeiriau olwyn ar gael ar draws Sir Gaerfyrddin
  • hyfforddiant i yrwyr gwirfoddol a theuluoedd, a fydd yn sicrhau hyblygrwydd a chefnogaeth leol
  • cludiant ar gyfer apwyntiadau iechyd, siopa, ymweliadau cymdeithasol, digwyddiadau cymunedol, a mwy
  • ffocws ar annibyniaeth, llesiant, a lleihau unigedd
  • atgyfeiriadau at wasanaethau ychwanegol lle bo angen
  • gwelliant parhaus yn seiliedig ar adborth defnyddwyr

Pam mae'n bwysig

“Mae hyn yn ymwneud â mwy na dim ond mynd o A i B. Mae'n ymwneud ag annibyniaeth, cysylltiad cymdeithasol, a llesiant. Drwy'r prosiect hwn, ein nod yw cefnogi pobl yn gyfannol, a nodi anghenion ychwanegol ac adeiladu cefnogaeth gymunedol hirdymor a chynaliadwy.” (Dirprwy Brif Weithredwr Age Cymru Dyfed, Caroline Davies)

“Ers dros 20 mlynedd, mae Dolen Teifi wedi darparu cludiant cymunedol ar draws ein rhanbarth. Mae’r bartneriaeth hon gydag Age Cymru Dyfed yn helpu i lenwi’r bylchau mewn cludiant hygyrch, a fydd yn cynnig mwy o symudedd ac annibyniaeth i’r rhai sydd ei angen fwyaf.” (Tom Cowcher, Cadeirydd Dolen Teifi)

Lleoliadau

  • Maes Llywelyn, Llwybr yr Eglwys, Castellnewydd Emlyn, SA38 9AB
  • Pentre Awel, Bury Road, Pentre Awel, Llanelli, SA15 2EZ
  • Maes Parcio’r Eglwys, Ger y Llew Gwyn, Pwll Trap, Sanclêr, SA33 4AT
  • Parc Dewi Sant, Heol Ffynnon Job, Caerfyrddin, SA31 3HG
  • Canolfan Hamdden, Heol Cilycwm, Llanymddyfri, SA20 0DY

on the go locations

Get in touch

Would you, or someone you know, benefit from On The Go – Ar Y Ffordd?

📧 Email: communitytransport@agecymrudyfed.org.uk
📞 Call: 07399 861341

Together, we’re building a more connected, accessible Carmarthenshire.