Age Cymru Dyfed yn galw am gamau brys i fynd i'r afael â'r argyfwng unigrwydd y Nadolig hwn

Rhoi heddiw!

Yn ddiweddar, cyhoeddodd rhwydwaith Age Cymru ystadegau newydd sy'n datgelu maint yr unigrwydd a'r ynysu cymdeithasol y mae pobl hŷn yn eu hwynebu'r Nadolig hwn. Mae'n annog unrhyw un sy'n gallu i gefnogi apêl y Nadolig i barhau i roi cymorth hanfodol i bobl hŷn ar yr adeg y maen nhw ei angen fwyaf. Mae unigrwydd yn effeithio ar bobl hŷn drwy gydol y flwyddyn, ond y gaeaf yw'r anoddaf yn aml. Mae gwasanaethau arferol yn dirwyn i ben, mae siopau'n lleihau eu horiau agor, mae tywydd oer yn cyfyngu ar symudedd, ac mae oriau golau dydd byrrach yn ei gwneud hi'n anodd aros mewn cysylltiad cymdeithasol, p'un a ydyn nhw'n dathlu'r Nadolig ai peidio.

Mae Rhwydwaith Age Cymru, sy'n cynnwys Age Cymru, Age Cymru Dyfed, Age Cymru Gwent, Age Cymru Gwynedd a Môn, Age Cymru Powys ac Age Cymru Gorllewin Morgannwg, yn credu na ddylai unrhyw berson hŷn byth deimlo'n unig. Mae'r rhwydwaith yn galw ar bobl Cymru i helpu i newid dyfodol miloedd o bobl hŷn trwy gyfrannu i gefnogi ei wasanaethau hanfodol. Mae pob cyfraniad, ni waeth beth fo'i faint, yn helpu i roi cysylltiad dynol y mae gormod o bobl hŷn yn byw hebddo.

Er gwaethaf ei enw da fel tymor o lawenydd, undod a dathlu, gall y Nadolig fod yn atgof poenus o golled ac unigedd i lawer. Mae'r canfyddiadau diweddaraf yn datgelu’r canlynol:

• Mae dau o bob pump o bobl hŷn yn dweud nad ydyn nhw bellach yn teimlo'r llawenydd a gawsant ar un adeg y Nadolig
• Bydd mwy nag un o bob pump ddim yng nghwmni teulu na ffrindiau
• Mae un o bob chwech yn dweud eu bod yn gweld eisiau clywed chwerthin ar adeg y Nadolig

Mae'r ystadegau ar gyfer Dydd Nadolig ei hun yr un mor llym:

• Ni fydd bron i 36,000 o bobl hŷn yng Nghymru yn gweld na siarad ag unrhyw un
• Bydd dros 97,000 yn bwyta eu cinio Nadolig ar eu pen eu hunain
• Ni fydd gan dros 17,000 neb i gyfnewid cardiau na rhoddion

Dywedodd Prif Swyddog Gweithredol Age Cymru:

“Rydym yn gwybod am y llawenydd, y gymdeithas a’r ymdeimlad o berthyn y mae gwasanaethau a roddir ar draws rhwydwaith Age Cymru yn eu golygu i gynifer o bobl hŷn yr adeg hon o’r flwyddyn. Pan fydd y teledu neu’r radio yn dod yn unig gwmni rhywun, mae unigrwydd yn dod yn frwydr ddyddiol. Ni ddylai unrhyw berson hŷn byth deimlo eu bod wedi’u hanghofio neu bod yn unig. Gall eich cefnogaeth helpu i newid hynny.

“I filoedd o bobl hŷn sy’n teimlo’n ynysig neu nad oes ganddyn nhw unigolion arall i droi atynt, mae rhwydwaith Age Cymru yn rhaff achub. Trwy ein gwasanaethau cynghori, rydym yn helpu pobl i gael mynediad at gefnogaeth a all leddfu unigrwydd, a thrwy ein gwasanaethau cyfeillgarwch rydym yn cynnig sgyrsiau rheolaidd, llais cyfeillgar a chysylltiad dynol ystyrlon. Dyma pam mae rhoi’n bwysicach nag erioed. Mae eich haelioni yn ein helpu i barhau â’n gwaith hanfodol a bod yno i’r rhai nad oes ganddyn nhw neb arall. Gallai rhodd y gaeaf hwn ddod â chysur, cymdeithas a gofal i berson hŷn sy’n wynebu unigrwydd...Helpwch ni i fynd i’r afael â’r unigrwydd nad ydych chi’n ei weld.”

Age Cymru Dyfed yn galw am gamau brys i fynd i'r afael â'r argyfwng unigrwydd y Nadolig hwn

Rhoi heddiw!

Rhoddwch i'ch Partner Age UK lleol: Age Cymru Dyfed.

Helpwch bobl hŷn ledled Sir Gaerfyrddin, Ceredigion a Sir Benfro i garu bywyd yn hwyrach y Nadolig hwn, cyfrannwch heddiw.

Y llynedd, diolch i gefnogwyr fel chi, fe wnaeth Age Cymru Dyfed wneud y canlynol:

• Cefnogwyd 365 o bobl sy'n byw gyda dementia a'u gofalwyr
• Rhoddwyd cymorth iechyd meddwl i 560 o bobl
• Cynigiwyd gwasanaeth cyfeillio drwy Life Links i 292 o bobl hŷn
• Helpwyd 463 o bobl hŷn gyda thechnoleg a sgiliau digidol
• Rhoddwyd gwybodaeth a chyngor i 2,684 o bobl
• Dyfarnwyd £2.3 miliwn mewn budd-daliadau llesiant nas hawliwyd o'r blaen

Gyda chyllid statudol cyfyngedig, mae pob cam a phob punt a roddwch y gaeaf hwn yn cadw'r gwasanaethau hanfodol hyn yn rhad ac am ddim, yn lleol, ac ar gael i bawb sydd eu hangen. Y ffordd hawsaf yw rhoi trwy Just Giving - ond mae yna lawer o ffyrdd eraill o roi ar y ddolen isod:

Rhoi heddiw!

Gwelwch hefyd ein blog diweddaraf: Taliadau Tanwydd Gaeaf