Digwyddiadau yn Ymwneud â Chyngor Ariannol ac Ynni Am Ddim Ar Draws Sir Gâr

Ydych chi'n cael trafferth gyda'ch biliau ynni? Rydyn ni yma i’ch helpu. Mae Ymddiriedolaeth Ynni Nwy Prydain yn gweithio gydag Age Cymru Dyfed i gynnal digwyddiadau sy’n rhoi cyngor am ddim ar arian ac ynni.

Gyda'r cynnydd parhaus mewn costau cynnal cartrefi, mae llawer o bobl yn ei chael hi'n gynyddol anodd rheoli biliau ynni a threuliau bob dydd. Er mwyn helpu i gefnogi cymunedau lleol, mae Ymddiriedolaeth Ynni Nwy Prydain yn gweithio mewn partneriaeth ag Age Cymru Dyfed i gyflwyno cyfres o ddigwyddiadau sy’n rhoi cyngor am ddim ar arian ac ynni ar draws Sir Gâr yn ystod mis Mai.

Mae'r digwyddiadau ar agor i bawb a byddant yn cynnig cyngor a chymorth ymarferol a chyfrinachol ar amrywiaeth o faterion gan gynnwys costau ynni, rheoli cyllid y cartref, cael mynediad at grantiau a chymorth ariannol, a gwella effeithlonrwydd ynni yn y cartref.

Mae'r sesiynau wedi'u cynllunio i helpu pobl i ddeall yn well y gefnogaeth sydd ar gael iddynt ar adeg pan fo llawer o aelwydydd yn wynebu pwysau ariannol. P'un a ydych chi'n cael trafferth gyda biliau cynyddol, yn poeni am ddyled, neu'n chwilio am arweiniad a sicrwydd yn unig, bydd cynghorwyr cyfeillgar wrth law i helpu.

Mae Age Cymru Dyfed wedi ymrwymo i gefnogi pobl hŷn a chymunedau ledled y rhanbarth, ac mae'r digwyddiadau hyn yn rhan o ymdrechion parhaus i sicrhau y gall pobl gael mynediad at yr wybodaeth a'r gefnogaeth sydd eu hangen arnynt yn lleol.

Digwyddiadau gydag Age Cymru Dyfed 

• Dydd Mawrth, 19 Mai: Ysbyty Tywysog Philip, Bryngwyn Mawr, Llanelli. SA14 8QF. 10am-1pm
• Dydd Mercher, 20 Mai: Ysbyty Glangwili, Heol Dolgwili, Caerfyrddin. SA31 2AF. 10am-1pm
• Dydd Mercher, 27 Mai: Asda Llanelli, Stryd Murray, Llanelli. SA15 1BX. 10am-1pm
• Dydd Iau, 28 Mai: Tesco Rhydaman, Stryd y Parc, Rhydaman. SA18 2LR. 10am-1pm