Eich Llais - mewn Fforwm Cyhoeddus yng Nghaerfyrddin

Bydd Age Cymru, mewn partneriaeth ag Age Cymru Dyfed, yn cynnal cyfarfod fforwm yng Nghaerfyrddin ddydd Mercher 21 Hydref, rhwng 10am a 12pm. Mae'n gyfle i bobl hŷn ddod at ei gilydd, cael sgwrs dros baned o goffi, a dweud wrthym beth sy'n bwysig iddyn nhw. Rydym am glywed am eu profiadau, eu syniadau a'u pryderon.

Rydym yn awyddus i glywed pa fath o gymorth y gallai pobl hŷn fod ei angen i'w helpu i ofalu am eu hiechyd ac aros yn actif, a beth allai eu rhwystro rhag gwneud hynny. Byddwn hefyd yn trafod gwasanaethau lleol, cymorth yn y gymuned, dychwelyd adref o'r ysbyty, a phenderfyniadau a allai wella iechyd ac ansawdd bywyd pobl hŷn. Bydd cyfle i'r rhai sy'n bresennol glywed am y gwasanaethau y mae Age Cymru Dyfed yn eu darparu i gefnogi pobl hŷn ledled Dyfed, yn ogystal â chyfleoedd i wirfoddoli.

Byddem wrth ein bodd yn gweld cynifer o bobl hŷn â phosibl o Gaerfyrddin a’r ardaloedd cyfagos yn ymuno â ni. Mae pob llais yn cyfrif. Bydd yr hyn a ddywedwch wrthym yn ystod y cyfarfod hwn yn helpu Age Cymru i siarad dros bobl hŷn ledled Cymru, ac yn sicrhau bod y rhai sy’n gwneud penderfyniadau yn clywed eich barn.

Dywedodd Victoria Lloyd, Prif Weithredwr Age Cymru:

Credwn y dylai pobl hŷn gael llais cryf mewn penderfyniadau sy'n effeithio ar eu bywydau. Mae'r fforwm yn rhoi cyfle i bobl hŷn yn yr ardal ddod at ei gilydd, rhannu eu profiadau a dweud wrthym beth sy'n bwysig iddyn nhw.

Rydym yn awyddus i glywed yn uniongyrchol gan bobl hŷn am eu profiadau – pa fath o gymorth sydd ei angen arnynt i ofalu am eu hiechyd a sut maent yn aros yn actif, ond hefyd beth allai eu rhwystro rhag gwneud hynny. Yn ystod y cyfarfod, byddwn hefyd yn trafod gwasanaethau lleol yn Sir Gaerfyrddin, y cymorth sydd ar gael yn y gymuned, y broses o ddychwelyd adref o’r ysbyty, a pha benderfyniadau y gellid eu gwneud i wella iechyd ac ansawdd bywyd pobl hŷn.

Byddwn yn annog pobl hŷn o Gaerfyrddin a’r ardaloedd cyfagos i ymuno â ni ar gyfer yr hyn sy’n addo bod yn drafodaeth addysgiadol a deniadol. Bydd hyn yn sicrhau bod lleisiau pobl hŷn yn cael eu clywed gan y rhai sydd wedi’u hethol i wneud penderfyniadau.

Mae nifer y lleoedd yn gyfyngedig; i gadw lle i fynd i’r cyfarfod, anfonwch e-bost at: publicaffairs@agecymru.org.uk neu ffoniwch 029 2043 1555.