Mervyn Rees sy’n rhannu ei stori am y Gwasanaeth Cenedlaethol yn fyw ar BBC Radio Wales
Cyhoeddwyd ar 30 Medi 2026 11:44 yb
Mae Age Cymru Dyfed yn falch iawn o ddathlu'r cyfweliad diweddar ar BBC Radio Wales gyda Mervyn Rees, a rannodd ei brofiadau o'r Gwasanaeth Cenedlaethol yn fyw ar yr awyr gyda'r cyflwynydd Oliver Hides ddydd Gwener 11 Medi 2026. Mae modd gwrando ar y cyfweliad yma. (BBC Radio) https://www.bbc.co.uk/sounds/play/m00314wv
Fe wnaeth Mervyn gymryd rhan ym mhrosiect 'Gwasanaeth Cenedlaethol' Age Cymru Dyfed – a ariannwyd gan Gronfa Treftadaeth y Loteri Genedlaethol – sy'n anelu at gasglu, cadw a rhannu straeon y rhai a brofodd y Gwasanaeth Cenedlaethol. Ar ôl clywed am brofiadau Mervyn drwy'r prosiect, gwahoddodd BBC Radio Wales iddo ymddangos ar y rhaglen 'Phone In', gan roi cyfle iddo rannu ei stori â chynulleidfa ehangach. Roedd Mervyn yn falch o gynrychioli'r prosiect a gweithio ochr yn ochr ag Age Cymru Dyfed i helpu cymunedau i ddeall yn well beth oedd y Gwasanaeth Cenedlaethol yn ei olygu i'r rhai a'i profodd.
Cadw straeon cyn-filwyr yn fyw
Yn Age Cymru Dyfed, rydym yn cydnabod pwysigrwydd gwrando ar brofiadau cyn-filwyr a'u cadw ar gof. Mae pob stori yn cynnig cipolwg gwerthfawr ar y gorffennol ac yn helpu cenedlaethau'r dyfodol i ddeall effaith bersonol y Gwasanaeth Cenedlaethol. Mae cyfweliad Mervyn yn enghraifft wych o sut y gall rhannu'r profiadau hyn godi ymwybyddiaeth, sbarduno sgyrsiau a sicrhau bod lleisiau cyn-filwyr yn parhau i gael eu clywed. Hoffem ddiolch i Mervyn am gymryd rhan yn ein prosiect ac am rannu ei stori gyda BBC Radio Wales. Rydym yn falch o fod wedi ei gefnogi i rannu ei brofiadau â chynulleidfa ehangach.
Dysgu rhagor am ein prosiect Gwasanaeth Cenedlaethol
Drwy gyllid gan Gronfa Treftadaeth y Loteri Cenedlaethol, mae Age Cymru Dyfed yn helpu i ddiogelu atgofion a phrofiadau'r rhai a wnaeth Gwasanaeth Cenedlaethol, gan wneud y straeon pwysig hyn yn hygyrch i genedlaethau'r dyfodol.