Gwau Un, Codi Un! Mae'r innocent Big Knit yn Ôl ac Mae Angen Eich Hud Gwlanog chi Arnom 🧶
Galw ar bawb sy’n gwau neu’n crosio, a phawb sy’n dweud “Dw i heb godi nodwydd ers 1987”: mae eich cyfle mawr wedi cyrraedd!
Mae’r Big Knit 2026-28 ar agor yn swyddogol! 🎉
Ydych chi erioed wedi dymuno gwisgo potel smwddi â het fach fach? (Wrth gwrs eich bod chi!)
Croeso i’r innocent Big Knit, ymgyrch gwau dros elusen glydaf y DU, ar y cyd ag Age UK.
Dyma’r drefn. Rydych chi’n gwau neu’n crosio het wlân fach bitw. Caiff ei gosod ar ben smwddi innocent. Ac am bob un het, mae 30c yn mynd i Age UK i helpu pobl hŷn sydd heb neb arall i droi atyn nhw. Het fach, effaith fawr!
Ers 2003, mae ein byddin chwedlonol o ryfelwyr gwlanog wedi codi £3.6 miliwn syfrdanol. Dyna lot fawr o hetiau bach! Dewch i fod yn rhan o’r swp nesaf!
Dim sgiliau? Dim problem.
Mae gennym batrymau gwau a chrosio am ddim ar gyfer pob lefel, o streipiau syml a hetiau pompom i foron, pwmpenni, blwch post, unicorn a hyd yn oed siarc (ie, wir!). Rhowch y tegell ymlaen, rhowch eich traed i fyny, a chodwch arian o’ch soffa, neu dewch yma i wau gyda ni bob bore iau! Yn onest, dyma’r weithred dda hawsaf sydd i’w chael.
Gafaelwch yn eich gwlân. Dewch o hyd i’ch nodwyddau. Awn ati i wau!
Lawrlwythwch un o’r patrymau yma, neu creu patrwm eich hunain! Os byddai’n well gennych dderbyn patrwm drwy’r post cysylltwch â ni os gwelwch yn dda fel fod modd i ni drefnu i’w bostio.