Camdriniaeth emosiynol neu seicolegol

Mae camdriniaeth seicolegol neu emosiynol yn cynnwys bygythiadau o niwed neu bygythiadau bydd yr unigolyn yn cael ei adael heb unrhyw gymorth, colli cysylltiad, bychanu, beio, rheoli, bygwth, gorfodi, aflonyddu, cam-drin geiriol, ynysu neu dynnu'n ôl o wasanaethau neu rwydweithiau cefnogol.

Arwyddion posibl o gam-drin emosiynol / seicolegol

• Mae gofalwr neu aelod o'r teulu yn ynysu'r oedolyn sydd angen gofal a chymorth yn fwriadol, a gwrthod heb reswm da i ganiatáu iddynt weld pobl eraill heb iddynt fod yn bresennol
• Bod yn betrusgar ac yn ofnus wrth siarad yn agored am bryderon
• Dicter, trallod emosiynol neu gynnwrf heb achos amlwg
• Newidiadau sydyn mewn ymddygiad a phersonoliaeth (fel yr unigolyn yn tynnu'n ôl yn eithriadol ac yn amharod i siarad neu'n anymatebol)
• Ymddygiad hunan-niweidiol neu hunan-niweidio anarferol (sugno, brathu neu siglo)
• Yr oedolyn sydd angen gofal a chymorth yn dweud wrthych eu bod yn cael eu cam-drin ar lafar neu'n emosiynol.