Age Cymru yn lansio ei bedwerydd arolwg blynyddol ar gyfer pobl dros 50 yng Nghymru

Mae'r arolwg Beth sy’n bwysig i chi yn rhoi mewnwelediadau amhrisiadwy i heriau, anghenion a dyheadau pobl hŷn

Mae Age Cymru a'i bartneriaid wedi lansio eu pedwerydd arolwg blynyddol Beth sy’n bwysig i chi ar gyfer pobl dros 50 oed ledled Cymru, er mwyn cael gwell dealltwriaeth o'u heriau, eu hanghenion a'u dyheadau.  

Mae bron i bedair mil o bobl wedi ymateb i’r arolygon blaenorol.  Mae eu hymateb wedi darparu gwybodaeth hanfodol i'r elusen er mwyn llywio a dylanwadu ar bobl sy'n gwneud penderfyniadau a darparwyr gwasanaethau allweddol gan gynnwys Llywodraeth Cymru, gwasanaethau iechyd a chymdeithasol lleol, a'r sector gofal ehangach.  Mae’r wybodaeth hefyd wedi helpu'r elusen a'i phartneriaid i ymgyrchu ar y materion sydd bwysicaf i bobl.

Mae'r arolwg yn ymchwilio profiadau pobl hŷn fel y rhai sy'n derbyn gofal iechyd a chymdeithasol, a'r rhai sy'n aros am wasanaethau o'r fath.  Mae hefyd yn edrych ar fywydau gofalwyr hŷn di-dâl a phrofiadau pobl hŷn yn y gweithle, gan gynnwys pobl sy'n chwilio am waith yn hwyrach yn eu bywydau.  

Dywed Pennaeth Polisi Age Cymru, Heather Ferguson: "Rwy'n annog pobl i gwblhau'r arolwg oherwydd wrth gasglu llawer o bobl gallwn fod yn ddylanwadol wrth ymgyrchu gyda phobl sy’n 50 oed neu hŷn ledled Cymru, ac wrth ymgyrchu ar eu cyfer.

"Ac os hoffai unrhyw un ein helpu i ymgyrchu ar y materion a nodwyd yn yr arolwg hwn, rhowch wybod i ni.  Rydym bob amser yn ceisio cydweithio i ddod â materion at sylw’r cyfryngau, gwleidyddion, a llawer o randdeiliaid allweddol eraill.  Cysylltwch â fy nghydweithiwr Michael Phillips am sgwrs anffurfiol ar 07794 366 224 neu e-bostiwch

Sut i gwblhau ein harolwg

• Ewch i agecymru.org.uk/annualsurvey i gwblhau'r arolwg ar lein
• Ffoniwch 029 2043 1555 am gopi papur o'r arolwg, yn Gymraeg neu Saesneg, a dychwelwch at ein cyfeiriad post am ddim: Age Cymru, FREEPOST RTZG-JHGC-RYJJ, Y Llawr Gwaelod, Tŷ'r Mariners, Age Cymru, Llys Trident, Ffordd Ddwyrain Moors, CAERDYDD CF24 5TD
• Gallwch hefyd ysgrifennu atom gyda'ch barn gyffredinol drwy ddefnyddio’r cyfeiriad rhadbost uchod.

 Dyddiad cau'r arolwg, ac i holi ynghylch unrhyw wybodaeth arall, yw dydd Gwener 28 Ebrill 2023